2016 jylǵy 28 sáýir, Astana qalasy
«Qazaqstannyń turǵyn úı qurylys jınaq banki» aksıonerlik qoǵamynyń turǵyn úı qurylys jınaqtary boıynsha ótemaqy tóleý qaǵıdalaryn bekitý týraly
«2016-2018 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasy Úkimetiniń 2015 jylǵy 8 jeltoqsandaǵy № 972 qaýlysynyń
10-1-tarmaǵyna sáıkes buıyramyn:
1. Qosa berilip otyrǵan «Qazaqstannyń turǵyn úı qurylys jınaq banki» aksıonerlik qoǵamynyń turǵyn úı qurylys jınaqtary boıynsha ótemaqy tóleý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Aktıvterdi basqarý departamenti (A. Zakırıanova):
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap bes jumys kúni ishinde Qazaqstan Respýblıkasy normatıvtik-quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq alǵash resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstri Á.Isekeshev
«KELISILGEN» «KELISILGEN»
Qazaqstan Respýblıkasynyń Qazaqstan Respýblıkasynyń
Qarjy mınıstri Ulttyq ekonomıka mınıstri
___________ B. Sultanov ___________ E. Dosaev
2016 jylǵy 29 sáýir 2016 jylǵy 29 sáýir
Qazaqstan Respýblıkasy Investısııalar jáne damý mınıstriniń
2016 jylǵy 28 sáýirdegi № 403 buıryǵymen bekitilgen
«Qazaqstannyń turǵyn úı qurylys jınaq banki» aksıonerlik qoǵamynyń
turǵyn úı qurylys jınaqtary boıynsha ótemaqy tóleý qaǵıdalary
1-taraý. Jalpy erejeler
1. Osy «Qazaqstannyń turǵyn úı qurylys jınaq banki» aksıonerlik qoǵamynyń turǵyn úı qurylys jınaqtary boıynsha ótemaqy tóleý qaǵıdalary (budan ári – Qaǵıdalar) «2016-2018 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasy Úkimetiniń 2015 jylǵy 8 jeltoqsandaǵy № 972 qaýlysynyń 10-1-tarmaǵyna sáıkes ázirlendi jáne «Qazaqstannyń turǵyn úı qurylys jınaq banki» aksıonerlik qoǵamynyń (budan ári – Bank) turǵyn úı qurylys jınaqtaryna salymdar boıynsha ótemaqy tóleý tártibin aıqyndaıdy.
2. Osy Qaǵıdalarda mynadaı negizgi uǵymdar qoldanylady:
1) turǵyn úı qurylys jınaqtary týraly shart – «Qazaqstan Respýblıkasyndaǵy turǵyn úı qurylys jınaq týraly» 2000 jylǵy 7 jeltoqsandaǵy Qazaqstan Respýblıkasynyń Zańyna (budan ári – Zań) jáne turǵyn úı qurylys jınaq bankiniń ishki qujattaryna sáıkes salymshy men turǵyn úı qurylys jınaq banki arasyndaǵy jáne (nemese) salymshy, turǵyn úı qurylys jınaq banki jáne úshinshi tulǵalar arasyndaǵy, onyń ishinde banktiń agenti (agentteri) arqyly jasalatyn shart;
2) turǵyn úı qurylys jınaqtaryna salym (depozıt) – turǵyn úı qurylys jınaqtary týraly sharttyń talaptaryna sáıkes salymshynyń turǵyn úı qurylys jınaq bankinde ashylǵan shotyna salymshy nemese úshinshi tulǵalar salatyn aqsha;
3) turǵyn úı qurylys jınaqtarynyń salymshysy (salymshy) – turǵyn úı qurylys jınaq bankimen turǵyn úı qurylys jınaqtary týraly shart jasasqan jeke tulǵa;
4) ótemaqy – erkin qubylmaly aıyrbas baǵamy rejımine ótýge baılanysty salymshynyń tıisti jınaq shotyna/shottaryna nemese qaryz alýshynyń aǵymdaǵy shotyna/shottaryna aýdarylýǵa jatatyn turǵyn úı qurylys jınaqtaryna salymdar (depozıtter) boıynsha salymshylarǵa jáne qaryz alýshylarǵa 2016-2017 jyldar ishinde Bank tóleıtin aqsha;
5) qosymsha kelisim – ótemaqy alý maqsattary úshin salymshy men Bank arasynda jasalatyn turǵyn úı qurylys jınaqtary týraly shartqa qosymsha kelisim;
6) qaryz alýshy – 2015 jylǵy 19 tamyzdan bastap - 2016 jylǵy 30 maýsymǵa deıingi aralyqta Bankpen banktik turǵyn úı qaryzy shartyn jasaǵan jeke tulǵanyń ótinishi.
Osy Qaǵıdalarda kórsetilgen basqa da uǵymdar men termınder Zańǵa sáıkes aıqyndalǵan mánderde qoldanylady.
2-taraý. «Qazaqstannyń turǵyn úı qurylys jınaq banki» aksıonerlik qoǵamynyń
turǵyn úı qurylys jınaqtaryna salymdar boıynsha ótemaqy tóleý tártibi
3. Bank ótemaqy tóleýdi respýblıkalyq bıýdjet qarajaty jáne Banktiń menshik qarajaty esebinen júzege asyrady. Respýblıkalyq bıýdjet esebinen qarajat 2008 jylǵy 4 jeltoqsandaǵy Qazaqstan Respýblıkasynyń Bıýdjet kodeksinde (budan ári – Kodeks) kózdelgen tártipte bólinedi.
4. О́temaqyny esepteý 2015 jylǵy 8 tamyzdaǵy operasııalyq kúnniń sońynda shotynda aqsha bolǵan kezde turǵyn úı qurylys jınaqtaryna salym somasyna júzege asyrylady. Esepteý salymshynyń jınaq shotyna/shottaryna jáne (nemese) keıinnen turǵyn úı qaryzyn alǵan tulǵanyń aǵymdaǵy shotyna/shottaryna júrgiziledi.
5. О́temaqy alý úshin 2016 jylǵy 1 shildege deıingi merzimde:
1) salymshy qosymsha kelisimdi jasaýy;
2) qaryz alýshy erkin nysanda ótinishti berýi qajet.
6. Qazaqstan Respýblıkasynyń zańnamalyq aktilerinde kózdelgen negizdemeler boıynsha salymshynyń aqshasyn alý týraly Banktiń jáne (nemese) úshinshi tulǵalardyń ókimderin oryndaý sheńberinde ótemaqy aýdarylǵan kúnge deıin aqsha esepten shyǵarylǵan jaǵdaıda, ótemaqy tóleý aýdarý kúni turǵyn úı qurylys jınaqtaryna salymnyń qaldyq somasyna, biraq 2015 jylǵy 18 tamyzdaǵy qaldyqtan artyq emes mólsherde júrgiziledi.
7. Salymshynyń 2 (eki) jáne odan artyq turǵyn úı qurylys jınaqtaryna salymy bolǵan jaǵdaıda, ótemaqy tóleý turǵyn úı qurylys jınaqtaryna árbir salymy boıynsha júzege asyrylady.
8. О́temaqy tóleý osy Qaǵıdalardyń 13-tarmaǵyna sáıkes 2016 jáne 2017 jyldary tıisinshe eki kezeńde júzege asyrylady.
9. 2016 jyly ótemaqyny esepteý 2016 jylǵy 1 tamyzǵa deıin:
1) salymshyda qol qoıylǵan qosymsha kelisimi;
2) qaryz alýshyda berilgen ótinishi bolǵan kezde júzege asyrylady.
10. 2017 jyly ótemaqyny esepteý 2017 jylǵy 1 shildege deıin:
1) salymshyda qol qoıylǵan qosymsha kelisimi;
2) qaryz alýshyda berilgen ótinishi bolǵan kezde júzege asyrylady.
11. Muragerlerge ótemaqy tóleý, qosymsha kelisim jasamaǵan nemese ótinish bermegen salymshy jáne (nemese) qaryz alýshy qaıtys bolǵan jaǵdaıda, murager Bankke jazbasha ótinish bergen jáne qosymsha kelisim jasaǵan kezde júrgiziledi.
12. О́temaqy tóleý:
1) turǵyn úı qurylys jınaqtary salymdary salymshysyna 2015 jylǵy 18 tamyzdy qosa alǵanda berilgen turǵyn úı, aldyn ala turǵyn úı jáne aralyq turǵyn úı qaryzdary boıynsha qamtamasyz etýde turǵan turǵyn úı qurylys jınaqtaryna salymdar boıynsha;
2) aqsha salý kúnine turǵyn úıdi satyp alý-satý sharttary nemese Qazaqstan Respýblıkasy Prezıdentiniń 2007 jylǵy 20 tamyzdaǵy № 383 Jarlyǵymen bekitilgen Qazaqstan Respýblıkasyndaǵy turǵyn úı qurylysynyń 2008-2010 jyldarǵa arnalǵan memlekettik baǵdarlamasy, Qazaqstan Respýblıkasy Úkimetiniń 2014 jylǵy 28 maýsymdaǵy № 728 qaýlysymen bekitilgen О́ńirlerdi damytýdyń 2020 jylǵa deıingi baǵdarlamasy, óńirlik turǵyn úı baǵdarlamalary sheńberinde keıinnen satyp ala otyryp, jalǵa alý sharttary jasalǵan turǵyn úı qurylysy jınaqtaryna salymdar boıynsha júrgizilmeıdi.
13. О́temaqy mólsherin esepteý úshin 2015 jylǵy 18 tamyzdaǵy jáne 2015 jylǵy 20 tamyzdaǵy Astana ýaqytymen saǵat 11-00-degi jaı-kúıi boıynsha «Qazaqstan qor bırjasy» aksıonerlik qoǵamynyń tańǵy (negizgi) sessııasynda qalyptasqan Amerıka Qurama Shtattary dollaryna shaqqandaǵy ulttyq valıýtanyń (teńge) ortasha alynǵan bırjalyq baǵamy paıdalandy.
О́temaqy koeffısıenti turǵyn úı qurylys jınaqtaryna salym somasynan 35,5%-dy quraıdy, onyń ishinde: 2016 jyly 19,2 %, onyń 12,2 %-y respýblıkalyq bıýdjetten jáne 7 %-y Bank qarajatynan; 2017 jyly 16,3 %, onyń 9,35 %-y respýblıkalyq bıýdjetten jáne 7 %-y Bank qarajatynan.
3-taraý. Qorytyndy erejeler
14. Paıdalanylmaǵan respýblıkalyq bıýdjet qarajatyn qaıtarý Kodekske sáıkes júzege asyrylady.
15. Bank 2016 jyldyń 15 tamyzyna jáne 2017 jyldyń 15 shildesine qaraı Qazaqstan Respýblıkasy Investısııalar jáne damý mınıstrligine salymshyǵa jáne qaryz alýshyǵa ótemaqy tóleý úshin alynǵan qarajattardy nysanaly paıdalaný týraly rastaýshy qujattardy qosa bere otyryp, esepti usynady.
Buıryq Qazaqstan Respýblıkasynyń Ádilet mınıstrliginde 2016 jylǵy 3 maýsymda Normatıvtik quqyqtyq kesimderdi memlekettik tirkeýdiń tizilimine №13764 bolyp engizildi.